مقتطف من «رقصة مع التَّنانين»

الكتاب الخامس من «أغنية الجليد والنار»

نهاية العام، عن دار التنوير

ترجمة: هشام فهمي

عندما استيقظَ ثانيةً وجدَ نفسه في غُرفة نومه من جديد، غارقًا في الفِراش المحشو بريش الإوزِّ بينما تهزُّه فتاة شقراء من كتفه قائلةً: «سيِّدي، حمَّامك جاهز. الماچستر إليريو ينتظرك على المائدة خلال ساعة».

أسندَ تيريون ظَهره إلى الوسائد، ووضعَ رأسه بين يديه متسائلًا: «هل أحلمُ أم أنكِ تتكلَّمين العاميَّة؟».

- «نعم يا سيِّدي. لقد اشتُريتُ للتَّرفيه عن الملك». الفتاة حسناء زرقاء العينين، شابَّة وغضَّة.

- «أنا واثق بأنكِ رفَّهتِ عنه. أريدُ كوبًا من النَّبيذ».

قالت وهي تصبُّ له: «الماچستر إليريو قال أن أفرك ظَهرك وأدفِّئ فِراشك. اسمي...».

- «... لا يهمُّني. هل تعرفين أين تذهب العاهرات؟».

احمرَّ وجهها، وقالت: «العاهرات يبعن أنفسهن مقابل المال».

- «أو الجواهر، أو الفساتين، أو القلاع. لكن أين يذهبن؟».

ردَّت الفتاة التي لم تستوعب السُّؤال: «أهذه أحجية يا سيِّدي؟ لستُ بارعةً في الأحاجي. هلَّا أخبرتني بالإجابة؟».

لا. إنني أبغضُ الأحاجي عن نفسي. «لن أخبركِ بشيء، فأسدي لي الصَّنيع نفسه». كادَ يقول لها: الجزء الوحيد الذي يهمُّني فيكِ هو الذي بين ساقيكِ، وكانت الكلمات على لسانه بالفعل، لكنها لسببٍ ما لم تَخرُج من بين شفتيه، وقال القزم لنفسه: إنها ليست شِاي، بل مجرَّد حمقاء صغيرة تحسبني ألعبُ بالأحاجي. الحقيقة أن فرجها نفسه لا يهمُّه لهذه الدَّرجة. لا بُدَّ أنني مريض، أو ميت. «هل ذكرتِ حمَّامًا؟ يجب ألَّا نَترُك تاجر الجُبنة العظيم منتظرًا».

في أثناء استحمامه غسلَت الفتاة قدميه وفركَت ظَهره ومشَّطت شَعره، وبعدها دهنَت رَبلتَي ساقيه بمرهمٍ عطِر الرَّائحة لتخفيف الألم فيهما، ثم ألبسَته ثياب الصِّبيان مجدَّدًا؛ سراويل خمريَّةً زنخة الرَّائحة، وسُترةً ضيِّقةً من المخمل الأزرق مبطَّنةً بقُماش الذَّهب، وبينما تعقد أربطة حذائه سألَته: «هل سيرغب فيَّ سيِّدي بعد أن يأكل؟».

- «لا، لقد فرغتُ من النِّساء». العاهرات.

ضايقَه ألَّا تُبدي خيبة الأمل، وقولها: «إذا كان سيِّدي يُفضِّل غُلامًا فيُمكنني أن أجعل واحدًا ينتظره في الفِراش».

سيِّدي يُفضِّل زوجته، سيِّدي يُفضِّل فتاةً اسمها تايشا. «فقط إذا كان يعرف أين تذهب العاهرات».

زمَّت الفتاة شفتيها، فقال لنفسه: إنها تحتقرني، ولكن ليس أكثر مما أحتقرُ نفسي. لا يرتاب تيريون لانستر على الإطلاق في أنه ضاجعَ نساءً كثيرات يكرهن مجرَّد منظره، لكن الأخريات كُنَّ على الأقل بالكياسة الكافية لادِّعاء العاطفة. قد يكون القليل من الاحتقار الصَّادق منعشًا، كالنَّبيذ اللَّاذع بعد الكثير من الحُلويات.

قال لها: «أعتقدُ أنني غيَّرتُ رأيي. انتظريني في الفِراش، عاريةً إذا سمحتِ. سأكون أكثر ثملًا من أن أستطيع خلع ثيابكِ»، ونظرَ إليها شزرًا آملًا أن يتذوَّق شيئًا من خوفها، لكنه لم ينَل منها إلَّا الاشمئزاز. لا أحد يخشى الأقزام. حتى اللورد تايوين لم يخَف مع أن تيريون كان يحمل نُشَّابيَّةً. سألَ خادمة الفِراش: «هل تتأوَّهين عند النِّكاح؟».

- «إذا كان هذا يسرُّ سيِّدي».

- «قد يسرُّ سيِّدي أن يَخنُقكِ. هذا ما فعلته بعاهرتي الأخيرة. هل تحسبين أن سيِّدكِ سيعترض؟ لا بالتَّأكيد. إن عنده مئةً منكِ، لكن لا أحد آخَر مِثلي».

وعندما رماها بابتسامته العريضة هذه المرَّة نالَ الخوف الذي أرادَه.

كان إليريو مستريحًا على أريكةٍ مبطَّنة، يلتهم الفلفل الحار والبصل اللُّؤلؤي من وعاءٍ خشبي، وقد نضحَ جبينه بالعَرق والتمعَت عيناه الخنزيريَّتان فوق وجنتيه اللَّحيمتين، وتراقصَت الجواهر على يديه مع حركتهما؛ جزْع وأوپال، وعين نمر وتورمالين، وياقوت وجمَشت، وصفِّير وزمرُّد، وسبَج ويَشب، وماسة سوداء ولؤلؤة خضراء. قال تيريون لنفسه متأمِّلًا: يُمكنني أن أعيش سنينًا على ثَمن خواتمه، وإن كنتُ سأحتاجُ إلى ساطور لآخذها.

أشارَ له إليريو بالاقتراب قائلًا: «تعالَ واجلس يا صديقي الصَّغير».

صعد القزم على مقعدٍ، ولو أنه وجدَه كبيرًا عليه للغاية، عرشًا مكدَّسة عليه الوسائد صُنِعَ لاستيعاب أرداف الماچستر الهائلة، وله أقدام سميكة متينة تتحمَّل وزنه. لقد عاشَ تيريون لانستر حياته بأكملها في عالمٍ كبير عليه للغاية، لكن في ضيعة إليريو موپاتيس اتَّخذ إحساسه بالتَّفاوُت أبعادًا لا تُصدَّق. أنا فأر في عرين ماموث، لكن على الأقل عند الماموث قبوًا مليئًا بالخيرات. أشعرَته الفكرة بالعطش، فطلبَ نبيذًا.

سألَه إليريو: «هل استمتعت بالفتاة التي أرسلتها إليك؟».

- «لو أردتُ فتاةً لطلبتها».

- «إذا تخاذلَت عن إسعـ...».

- «بل فعلَت كلَّ المطلوب منها».

- «كان هذا أملي. لقد تلقَّت تدريبها في (لِيس)، حيث يجعلون من الحُبِّ فنًّا. الملك استمتعَ بها كثيرًا».

قال تيريون: «إنني أقتلُ الملوك، ألم تسمع؟»، وابتسمَ بشرٍّ من فوق كأسه مضيفًا: «لستُ أريدُ فضلاتٍ ملكيَّةً».

- «كما تشاء. لنأكل إذن»، وصفَّق إليريو فجاءَ الخدم مسرعين.

بدآ بمرق سرطان البحر وسَمك الرَّاهب، بالإضافة إلى حَساء بيضٍ وليمون أخضر بارد، ثم رُصَّت أطباق السُّمَّان بالعسل، ولحم ظَهر الحملان، وكبد الإوز الغارق في النَّبيذ، والجزر الأبيض بالزُّبدة، والخنازير الرَّضيعة. أصابَ منظر كلِّ هذه الأصناف تيريون بالغثيان، لكنه أجبرَ نفسه على تجربة ملعقةٍ من الحَساء على سبيل الأدب، وحالما تذوَّقها ضاعَ تمامًا. ربما تكون الطَّاهيتان عجوزتين سمينتين، لكنهما تعرفان عملهما. إنه لم يأكل بهذه الشَّهيَّة من قبل قَطُّ، حتى في البلاط الملكي.

بينما يمتصُّ اللَّحم من على عظم طائره سألَ إليريو عن استدعاء الأمير هذا الصَّباح، فهزَّ الرَّجل البدين كتفيه مجيبًا: «ثمَّة متاعب في الشَّرق. (أستاپور) و(ميرين) سقطَتا، مدينتان جيسكاريَّتان كانتا عجوزين والعالم ما زالَ شابًّا».

قطَّع أحد الخدم الخنزير الرَّضيع، فتناولَ إليريو قطعةً من الشِّواء وغمسَها في صلصة البرقوق وأكلَها بأصابعه.

غرسَ تيريون طرف سكِّينه في قطعةٍ من كبد الإوز قائلًا: «(خليج النخَّاسين) بعيد جدًّا عن (پنتوس)». ما من أحدٍ ملعون كقاتِل الأقربين، ولكن بإمكاني أن أحبَّ هذا الجحيم.

قال إليريو: «صحيح، لكن العالم شبكة واحدة عظيمة، والمرء لا يجرؤ على لمس خيطٍ واحد خشية أن تهتزَّ الخيوط الأخرى كلُّها. مزيد من النَّبيذ؟»، ثم ألقى قرنًا من الفلفل في فمه، وأردفَ: «لا، شيء أفضل»، وعادَ يُصفِّق.

دخلَ خادم على إثر الصَّوت حاملًا طبقًا مغطًّى ووضعَه أمام تيريون، ومالَ إليريو عبر المائدة يرفع الغطاء، ثم أعلنَ الماچستر إذ فاحَت الرَّائحة: «فِطر مقبَّل بالثُّوم ومحمَّم بالزُّبدة. قيلَ لي إن مذاقه بديع. كُل واحدةً يا صديقي، كُل اثنتين».

كانت حبَّة الفِطر الأسود الكبيرة في منتصَف الطَّريق إلى فم تيريون بالفعل، لكن شيئًا ما في نبرة إليريو جعلَه يتوقَّف فجأةً، وقال دافعًا الطَّبق نحو مضيفه: «بعدك يا سيِّدي».

بدوره دفعَ الماچستر إليريو طبق الفِطر نحوه قائلًا: «لا، لا»، وللحظةٍ خاطفة بدا كأن فتى خبيثًا يطلُّ من داخل جسد تاجر الجُبنة المنتفخ. «بعدك. أنا مصرٌّ. الطَّاهية أعدَّته خصِّيصًا من أجلك».

- «حقًّا؟». تذكَّر الطَّاهية والدَّقيق على يديها وثدييها الثَّقيلين وعروقهما الزَّرقاء الدَّاكنة. «هذا لُطف منها، لكن... لا»، وبتؤدةٍ أعادَ تيريون حبَّة الفِطر إلى بحيرة الزُّبدة التي خرجَت منها.

قال إليريو مبتسمًا من تحت لحيته الصَّفراء المتشعِّبة: «يا لك من شكَّاك». يظنُّ تيريون أنه يدهن لحيته هذه بالزُّيوت كلَّ يومٍ ليجعلها تلمع كما الذَّهب. «أأنت جبان؟ لم أسمع ذلك عنك».

- «في (الممالك السَّبع) يعدُّ قتل ضيفك على العَشاء بالسُّمِّ خرقًا عظيمًا لأصول الضِّيافة».

تناولَ إليريو موپاتيس كأسه قائلًا: «وهنا أيضًا، لكن حين تبدو رغبة الضَّيف في إنهاء حياته واضحةً جليَّةً فعلى مضيفه أن يُلبِّيها، أليس كذلك؟»، وجرعَ من النَّبيذ، ثم تابعَ: «الماچستر أوردلو ماتَ مسمومًا بحبَّة فِطر قبل أقلِّ من نِصف عام. قيلَ لي إن الألم ليس شديدًا. مغص خفيف، وألم مفاجئ وراء العينين، ثم ينتهي كلُّ شيء. الفِطر أفضل من سيفٍ في العُنق، أليس كذلك؟ لِمَ تموت وفي فمك مذاق الدَّم في حين يُمكن أن يكون مذاق الزُّبدة والثُّوم؟».

أمعنَ القزم النَّظر إلى الطَّبق أمامه، وقد أسالَت رائحة الثُّوم والزُّبدة لُعابه. جزء منه يُريد هذا الفِطر على الرغم من معرفته بحقيقته. إنه ليس بالشَّجاعة الكافية لأن يُغمِد الحديد البارد في بطنه، لكن قضمةً من الفِطر لن تكون بتلك الصُّعوبة، وقد أخافَه هذا لدرجةٍ لا يستطيع التَّعبير عنها. سمعَ نفسه يقول: «أنت مخطئ».

- «حقًّا؟ يا هل تُرى! إذا كنت تُحبِّذ الغرق في النَّبيذ فقُل وستنال ما تُريد، وبسرعة. الغرق كأسًا كأسًا مضيعة للوقت والنَّبيذ».

كرَّر تيريون بصوتٍ أعلى: «أنت مخطئ». كان الفِطر الدَّاكن يلتمع بإغراءٍ في ضوء المصباح. «لستُ راغبًا في الموت، أؤكِّدُ لك. إن عندي...»، لكن صوته تاهَ في غياهب الحيرة. ما الذي عندي؟ حياة أعيشها؟ عمل أؤدِّيه؟ أطفال أربِّيهم؟ أرض أحكمها؟ امرأة أحبُّها؟

أنهى الماچستر إليريو عبارته قائلًا: «ليس عندك شيء، لكننا نستطيع أن نُغيِّر هذا»، والتقطَ حبَّة فِطر من الزُّبدة ومضغَها بتلذُّذ، ثم قال: «شهيَّة».

مستاءً قال تيريون: «الفِطر ليس مسمومًا».

قال الماچستر إليريو: «نعم. لِمَ أتمنَّى لك الأذى؟»، وأكلَ حبَّةً أخرى مردفًا: «يجب أن يُبدي كلانا القليل من الثِّقة. هلمَّ، كُل»، ومن جديدٍ صفَّق مضيفًا: «إن أمامنا عملًا، ويجب أن يحتفظ صديقي الصَّغير بقوَّته».

جلبَ الخدم البَلَشون[1] المحشو بالتِّين، وشرائح لحم العجل المسلوق في حليب اللَّوز، والرِّنجة المهروسة بالقشدة، والبصل المحلَّى، وأجبانًا عفِنة الرَّائحة، وأطباقًا من الحلزون وحُلويات العجول، وإوزَّةً سوداء بريشها. رفضَ تيريون الإوزَّة التي ذكَّرته بعَشاءٍ تناوَله ذات مرَّةٍ مع أخته، وإن أكلَ البَلَشون والرِّنجة وعددًا من حبَّات البصل المحلَّى، وكلَّما أفرغَ كأسه ملأَه الخدم من جديد.

- «تشرب نبيذًا كثيرًا جدًّا بالنِّسبة إلى رجلٍ صغير مِثلك».

- «قتل الأقربين عمل يُصيب بالجفاف، يجعلني أعطشُ».

التمعَت عينا البدين كالأحجار الكريمة على أصابعه، وقال: «في (وستروس) من يقولون إن قتل اللورد تايوين كان مجرَّد بداية».

قال القزم: «خيرٌ لهم ألَّا يقولوا هذا على مسمعٍ من أختي وإلَّا وجدوا أنفسهم بلا ألسنة»، ومزَّق رغيفًا من الخُبز نِصفين، وأضافَ: «وخيرٌ لك أن تتوخَّى الحذر في ما تقوله عن عائلتي أيها الماچستر. قاتِل أقربين أو لا، إنني ما زلتُ أسدًا».

بدا أن سيِّد الأجبان وجدَ قوله طريفًا لأقصى درجة، وقد صفعَ فخذه اللَّحيمة قائلًا: «كلُّكم واحد يا معشر الوستروسيِّين، تخيطون حيوانًا ما على قطعةٍ من الحرير وفجأةً تُصبِحون أسودًا أو تنانين أو نسورًا. يُمكنني أن آخذك إلى أسدٍ حقيقي يا صديقي الصَّغير. الأمير يحتفظ بعدَّة أُسودٍ مهيبة في معرض وحوشه. هل ترغب في مشاركتها قفصها؟».

أقرَّ تيريون رغمًا عنه بأن لوردات (الممالك السَّبع) يُبالِغون جدًّا في تقدير رموزهم بالفعل، وهكذا قال مسلِّمًا: «ليكن. اللانستر ليس أسدًا، لكني ما زلتُ ابن أبي، ولي أنا أن أقتل چايمي وسرسي».

قال إليريو بين حلزون وحلزون: «غريب للغاية أن تَذكُر أختك الجميلة. لقد عرضَت الملكة اللورديَّة على من يأتيها برأسك، مهما كان مولده متواضعًا».

ليس هذا أكثر مما توقَّع تيريون، الذي ردَّ: «إذا كنت تنوي قبول عرضها فاجعلها تفتح ساقيها لك أيضًا. أفضل جزءٍ مني لقاء أفضل جزءٍ منها، صفقة عادلة».

قال تاجر الجُبنة: «أفضِّلُ أن أحظى بوزني ذهبًا»، وانفجرَ ضاحكًا بشدَّةٍ حتى إن تيريون خشيَ أن ينفجر، قبل أن يُضيف: «كلُّ ما في (كاسترلي روك) من ذهب، ولِمَ لا؟».

مرتاحًا لأنه لن يغرق في بِركةٍ من الأسماك واللُّحوم نِصف المهضومة، قال القزم: «الذَّهب لك، لكن (الصَّخرة) لي».

قال الماچستر: «بالضَّبط»، وغطَّى فمه يُداري تجشُّؤه القوي، ثم تابعَ: «هل تظنُّ أن الملك ستانيس سيُعطيك إياها؟ بلغَني أنه يُطبِّق القانون بحذافيره. أخوك يرتدي المعطف الأبيض، أي أنك الوريث حسب قوانين (وستروس) كلِّها».

قال تيريون: «قد يمنحني ستانيس (كاسترلي روك) حقًّا، لولا المسألة الصَّغيرة المتعلِّقة بقتل الملك وقتل الأقربين. لقاء هذا سيُقصِّرني رأسًا، وأنا قصير كفايةً بالفعل. لكن لِمَ تحسبني أنوي الانضمام إلى اللورد ستانيس؟».

- «ولِمَ تذهب إلى (الجِدار) إن لم يكن لهذا؟».

حكَّ تيريون أنفه متسائلًا: «ستانيس على (الجِدار)؟ ما الذي يفعل ستانيس على (الجِدار) بحقِّ الجحائم السَّبع؟».

- «يرتجف على ما أظنُّ. الطَّقس أكثر دفئًا في (دورن). ربما كان عليه الإبحار في ذلك الاتِّجاه».

كان تيريون قد بدأ يرتاب في أن غسَّالةً معيَّنةً ذات نمش تعرف من اللُّغة العاميَّة أكثر مما تتظاهَر. «يتصادَف أن مارسلا ابنة أختي في (دورن)، وأفكِّرُ في أن أجعلها ملكةً».

ابتسمَ إليريو فيما غرفَ لهما خدمه الكرز الأسود بالقشدة المحلَّاة، وقال: «ما الذي فعلَته بك تلك الطِّفلة المسكينة حتى تتمنَّى موتها؟».

مجروحًا قال تيريون: «حتى قاتِل الأقربين ليس مطلوبًا منه أن يَقتُل جميع أقربائه! قلتُ أجعلها ملكةً، لم أقل أقتلها».

تناولَ تاجر الجُبنة الكرز بالملعقة قائلًا: «في (ڤولانتيس) يستخدمون عُملةً على وجهها تاج وعلى الوجه الآخَر رأس الموت، لكنها العُملة نفسها. إن توَّجتها تَقتُلها. ربما تنهض (دورن) من أجل مارسلا، لكن (دورن) وحدها لا تكفي، وأنت تعلم هذا إذا كنت بالذَّكاء الذي يُؤكِّده صديقنا».

رمقَ تيريون الرَّجل البدين باهتمامٍ تجدَّد، وقال في قرارة نفسه: إنه محقٌّ في هذا وذلك. إن توَّجتها قتلتها، وأنا أعلمُ هذا. «لم يتبقَّ لي إلَّا المحاولات العبثيَّة. على الأقل هذه المحاولة ستجعل أختي تذرف دموعًا مريرةً».

مسحَ الماچستر إليريو القشدة المحلَّاة عن فمه بظَهر يده السَّمينة، وقال: «الطَّريق إلى (كاسترلي روك) لا يمرُّ بـ(دورن) يا صديقي الصَّغير، ولا يمضي أسفل (الجِدار)، لكنني أؤكِّدُ لك أن هذا الطَّريق موجود».

- «أنا خائن مجرَّد من ممتلكاته وإرثه وقاتِل ملكٍ وقاتِل أقربين». هذا الكلام عن الطُّرق يُضايِقه. هل يحسبها لُعبةً؟

قال إليريو: «ما يفعله ملك يستطيع ملك آخَر أن يُبطِله. في (پنتوس) لنا أمير يا صديقي، يترأَّس الاحتفالات والمآدب ويتجوَّل في المدينة راكبًا هودجًا من العاج والذَّهب، يسبقه ثلاثة حُجَّاب حاملين ميزان التِّجارة الذَّهبي وسيف الحرب الحديدي وكُرباج العدالة الفضِّي، وفي اليوم الأول من كلِّ عامٍ جديد عليه أن يقطف زهرة عذراء الحقول وعذراء البحار»، ومالَ إلى الأمام مستندًا بمرفقيه إلى المائدة، وأكملَ: «لكن إذا حدثَ أن بارَ محصول أو هُزِمنا في حربٍ ننحره إرضاءً للآلهة، ونختار أميرًا جديدًا من بين العائلات الأربعين».

- «ذكِّرني ألَّا أصبح أمير (پنتوس) أبدًا».

- «وهل تختلف ممالككم السَّبع؟ ليس في (وستروس) سلام، لا عدالة، لا إيمان... وقريبًا لا طعام. حين يتضوَّر النَّاس جوعًا ويضيقون ذرعًا بالخوف يبحثون عن مُنقذ».

- «لهم أن يبحثوا، لكن إذا لم يجدوا إلَّا ستانيس...».

اتَّسعت الابتسامة الصَّفراء إذ قال الماچستر: «ليس ستانيس ولا مارسلا، غيرهما. أقوى من تومن، وأرحم من ستانيس، وأحقُّ من الفتاة مارسلا. مُنقذ من وراء البحر يُداوي جراح (وستروس) التي تذرف الدِّماء».

ردَّ تيريون بلا تأثُّر: «كلام جميل، والكلام هواء. ومن هذا المُنقذ اللَّعين؟».

قال تاجر الجُبنة: «تنِّين»، ولمَّا رأى النَّظرة على وجهه ضحكَ مضيفًا: «تنِّين له ثلاثة رؤوس».

---

[1] البَلَشون طائر شهير بصوته العذب، ويُعرَف أيضًا باسم مالك الحزين. (المُترجم).

مقتطف من «رقصة مع التنانين»

الكتاب الخامس من «أغنية الجليد والنار»

نهاية العام، عن دار التنوير

ترجمة: هشام فهمي

بَعد المعركة تقدَّم آلاف منهم قاطعين الغابة بمشقَّة، يُقاسون الجوع والخوف في فرارهم من المقتلة التي حلَّت بهم عند (الجِدار). بعضهم تكلَّم عن العودة إلى البيوت التي هجروها، وبعضهم عن شَنِّ هجمةٍ ثانية على البوَّابة، إلَّا أن أكثرهم مضى تائهًا لا يدري أين يذهب أو ماذا يفعل. لقد فرُّوا من الغِربان ذوي المعاطف السَّوداء والفُرسان المدرَّعين بالفولاذ الرَّمادي، لكن أعداءً أقسى يتصيَّدونهم الآن، وكلَّ يومٍ يُخلِّفون مزيدًا من الجُثث في أعقابهم، منهم من ماتَ جوعًا ومن ماتَ بردًا ومن ماتَ مرضًا، ومنهم آخَرون قتلَهم من كانوا إخوتهم في السِّلاح عندما زحفوا جنوبًا مع مانس رايدر، ملك ما وراء الجِدار.

وقال بعض النَّاجين لبعض بنبراتٍ يائسة: سقطَ مانس، أُسِرَ مانس، ماتَ مانس، وبينما تخيط ثيسل جرحه قالت له: «هارما ماتَت، ومانس أسير، والباقون هربوا وتركونا. تورموند والبكَّاء وسِت جلود، كلُّ أولئك المُغيرين الشُّجعان، أين هُم الآن؟».

حينها أدركَ ڤارامير أنها لم تتعرَّفه. ولِمَ تتعرَّفني؟ إنه لا يبدو كرجلٍ عظيم في غياب وحوشه. كنتُ ڤارامير سِت جلود الذي شاركَ مانس رايدر طعامه وشرابه. ڤارامير هو الاسم الذي أطلقَه على نفسه في سِنِّ العاشرة. اسم يليق بلورد، اسم للأغاني، اسم قوي مهيب. وعلى الرغم من ذلك فَرَّ من الغِربان كالأرنب المذعور. اللورد ڤارامير الرَّهيب أصابَه الجُبن، لكنه لم يحتمل أن تعرف هي ذلك، فأخبرَ الزَّوجة الحربة بأن اسمه هاجون، وبَعدها تساءلَ لِمَ خرجَ هذا الاسم تحديدًا من بين شفتيه دونًا عن كلِّ الأسماء الأخرى التي كان بإمكانه أن يختارها. أكلتُ قلبه وشربتُ دمه، ولا يزال يُطارِدني.

ذات يومٍ في أثناء فرارهم جاءهم خيَّال يُهروِل قاطعًا الغابة بحصانٍ أبيض أعجف، يصيح فيهم أن يتَّجهوا جميعًا إلى (النَّهر اللَّبني)، وأن البكَّاء يجمع المُحاربين من أجل عبور (جسر الجماجم) والاستيلاء على (بُرج الظِّلال)، فتبعَه كثيرون لكن أكثرهم لم يفعل. بَعدها تنقَّل مُحارب قاسي الملامح يرتدي الفرو المزيَّن بالكهرمان من بؤرة نارٍ إلى أخرى يحثُّ جميع النَّاجين على التَّوجُّه شمالًا واللُّجوء إلى وادي الثِّنِّيين. لم يُدرِك ڤارامير قَطُّ لماذا حسبَ الرَّجل أنهم سيكونون آمنين في المكان الذي فَرَّ منه الثِّنِّيون أنفسهم، لكن مئاتٍ تبعوه، في حين ذهبَ مئات غيرهم مع ساحرة الغابات التي رأت في رؤيا أسطولًا من السُّفن الآتية لحمل شعب الأحرار جنوبًا. صاحَت الأُم مول: «علينا أن نسعى إلى البحر»، واتَّجه أتباعها معها شرقًا.

لو أنه أقوى لكان ڤارامير معهم، لكن البحر كئيب بارد بعيد، وهو يعرف أنه لن يعيش حتى يراه أبدًا. لقد ماتَ تسع مرَّاتٍ والآن يُحتضَر، وستكون هذه ميتته الحقيقيَّة. معطف من فرو السَّناجب، طعنَني من أجل معطفٍ من فرو السَّناجب.

كانت صاحِبته ميتةً، وقد تهشَّمت مؤخِّرة رأسها وتحوَّلت إلى كتلةٍ من العجين الأحمر المرقَّط بقِطع العظم المكسور، لكن معطفها بدا ثقيلًا سميكًا. كان الثَّلج يَسقُط، وڤارامير فقدَ معاطفه كلَّها عند (الجِدار). الجلود التي ينام تحتها، وثيابه الدَّاخليَّة الصُّوف، وحذاؤه المصنوع من جِلد الخراف، وقُفَّازه المبطَّن بالفرو، ومخزونه من نبيذ العسل ومؤونته من الأطعمة... كلُّ هذا فقدَه وتركَه وراءه. احترقتُ ومِتُّ ثم هربتُ منتابًا بجنون الألم والرُّعب. ما زالَت الذِّكرى تُشعِره بالخزي، لكنه لم يكن وحده. هناك آخَرون غيره هربوا أيضًا، مئات منهم، آلاف. خسرنا المعركة، جاءَ الفُرسان بفولاذهم لا يُقهَرون، يَقتُلون كلَّ من ظَلَّ يُقاتِل. كان إمَّا الهرب وإمَّا الموت.

رسالة وداع حزينة لـ«Game of Thrones»

كان بودِّي أكتب الكلام ده في سياق بعيد عن خيبة الأمل، لكن هو كلام يستحق الكتابة رغم ذلك.

مش هتكلِّم هنا عن سذاجة وسطحيَّة الكتابة في المواسم الأخيرة من المسلسل، ولا الوثبات اللي لا تمت بصلة لأي منطق في الحلقات الأخيرة، ولا الإحباط اللي القصَّة تسبَّبت فيه لمحبِّين كتير في فصولها الأخيرة.

الكلام هنا أقرب للكليشيه، أو هو فعلًا كليشيه.

إن الكنز في الرحلة.

الكليشيه كليشيه لسبب وجيه، وما بيبقاش كليشيه إلا لأنه حقيقي جدًّا.

كعمل فني، فـ«لعبة العروش» ما زال وهيفضل لفترة طويلة عمل غير مسبوق في التليفزيون والسينما، غيَّر مفاهيم ناس كتير عن الكتابة التقليديَّة وإزاي تفاجئ المُشاهد بأحداث صادمة غير متوقَّعة تذهله وفي الوقت نفسه بيشوفها التطوُّر الطبيعي للقصَّة اللي معمولة بمزاج، عمل علِّم مُشاهدين تقليديِّين تمامًا معلومات عن النقد الفني وبناء الشخصيَّات وتطوير الحبكة، عمل فتح سكَّة للفانتازيا في التليفزيون أخيرًا بعد ما عانت سنين في السينما في محاولة تقليد «سيِّد الخواتم» و«هاري پوتر»، عمل أبرز مواهب المئات في بناء الديكورات وتصميم الأزياء والأدوات اللي بتظهر على الشاشة والخدع البصريَّة والموسيقى والتصوير والمونتاچ والإخراج (والكتابة لفترة طويلة)، عمل عرَّف ناس كتير على مواهب مجهولة بالنسبة لهم في التمثيل زي تشارلز دانس (تايوين لانستر) وستيڤن ديلين (ستانيس باراثيون) وپدرو پاسكال (أوبرين مارتل) ورسَّخ ممثِّلين مخضرمين زي شون بين (إدارد ستارك) ولينا هيدي (سرسي لانستر) وفتح باب الفرصة لممثِّلين ناشئين منهم اللي بقوا نجوم صف أول دلوقت، عمل خلَّى ناس كتير جدًّا عمرهم ما قرأوا أو بيقرأوا قليل جدًّا يفتحوا كتاب ضخم وينغمسوا فيه ويتناقشوا في أحداثه وأبطاله، عمل شجَّع محبِّيه على الرسم والتصميم والغناء والعزف والجرافيتي وتصوُّر أحداث بديلة ووضع نظريَّات والتجمُّع مع بعض على حاجة شغوفين بيها، عمل عرَّف ناس من جميع أنحاء العالم على بعض وأصبحوا أصدقاء وفيه منهم اللي ارتبطوا، ودفع ناس للسفر لأماكن جديدة.

رغم كل شيء، ورغم نهاية العمل نفسه أيًّا كانت، فكل دي مكاسب لا يُستهان بيها.

عن نفسي الموضوع شخصي جدًّا، رغم إن نهاية المسلسل مجرَّد محطَّة في رحلتي مع «أغنية الجليد والنار»، ورغم إني عارف إني مش هرضى عن النهاية بشكل عام لأن صعب حلقة واحدة تصلَّح كل الأخطاء اللي عملوها... رغم كل ده المسلسل هيسيب فراغ عند الواحد، أقل سبب إن الواحد أكيد بيتعوِّد على الحاجة اللي متابعها من 8 سنين، بتكون جزء من كلامه مع الأصدقاء وتفكيره في الأعمال الفنيَّة، ده غير حالة الترقُّب اللذيذة قبل كل حلقة حتى لو عارف إن الحلقة مش هتكون على المستوى المأمول، والاستمتاع بالكلام مع المهتمِّين بعدها، وحتى التريقة عليها. كل ده الواحد أكيد هيفتقده.

وأنا ممتن للمسلسل لأني لولاه ما كنتش قرَّرت أقرأ واحدة من أفضل وأهم وأنجح السلاسل الروائية في تاريخ الأدب ككل مش الأدب الفانتازي بس، بعد ما كنت سمعت عنها في بدايات الألفينات وما حسِّتش باهتمام بيها لسببٍ ما. لولا المستوى اللي بدأ بيه المسلسل واستمر فترة أكيد ما كنتش ههتم بقراءة الروايات الأصليَّة. ممتن لأن قراءة الروايات دي ساعدتني على الخروج من حالة اكتئاب سيِّئة جدًّا، وقرار ترجمتها كان من أكثر الحاجات اللي تحمَّست لها وسعيت لها في حياتي، ترجمتها اللي عادت عليَّ بمعارف ما كنتش أتصوَّرها في اللغة العربيَّة قبل اللغة الإنجليزيَّة، ودفعتني إني أتعلِّم من أخطائي وأحسِّن مستوايا مع كل كتاب جديد وأستخدم مفردات جديدة وأهتم أكثر بقواعد اللغة والنحو والصرف والأخطاء الشائعة، وخلِّت اسمي معروف نسبيًّا عند شريحة لا بأس بها من القرَّاء العرب، اللي أتمنَّى يفضلوا يتابعوا شغلي الجديد بعد نهاية السلسلة، لأن مارتن مش آخر المؤلِّفين، وقائمة الأماني عند الواحد طويلة. والترجمة دي علِّمتني حاجات كتير عن ثقافات وشعوب وعادات أخرى في عصور أخرى، منها اللي جزء من البحث اللي المفروض يعمله المترجم أثناء الشغل، ومنها اللي كان صدفة لكن أضاف للواحد معلومات أكثر من أن تُحصى.
والرواية الخامسة «رقصة مع التنانين» شغَّال عليها على قدمٍ وساق علشان مش تطلع في أحسن مستوى بس، لأ، تطلع بمستوى أحسن من الأربعة اللي قبلها.

 أنا كمان اتعرَّفت على أصدقاء من جميع أنحاء العالم وبقينا بنتكلِّم كل يوم تقريبًا في مختلف الحاجات، ونبعت لبعض بطاقات بريديَّة، ونتبادل التهاني والتعازي، ونتبسط مع بعض بالحلو في المسلسل ونشتم مع بعض في الوحش.

فرغم كل شيء، شكرًا «Game of Thrones» على التجربة وعلى الرحلة. أنا ممتن إني كنت جزء من التجربة العالميَّة دي.

ملاحظات على الحلقة الخامسة من «Game of Thrones»

 الموسم الأخير، الحلقة الخامسة، «The Bells»

حيرة بين «هو ده اللي كنت عايزه يحصل» و«ما بُني على باطل فهو باطل».

من ناحية، زي ما قلت في ملاحظاتي على الحلقة الرابعة، أنا حابب جدًّا فكرة إن شخصيَّة بتتبني على مر السنين باعتبارها شخصيَّة بطل تنقلب لشخصيَّة الشرِّير، بالبلدي اللي تفتكره موسى يطلع فرعون، لكن -طبعًا- بشرط الانقلاب ده يكون منطقي ومتمهِّد له. نفس الكلام عن شخصيَّة الشرِّير اللي بتتحوِّل لبطل وبرضه بشكل منطقي ومتمهِّد له. هتكلِّم هنا تاني عن «Star Wars»، وتحوُّل آناكين سكايووكر المنقذ المنتظر للشرِّير دارث ڤيدر اللي بيقتل الأطفال وبيرتكب مذبحة جماعيَّة في الجزء الثالث من الثلاثيَّة الثانية، ورغم إني شايف بشكل شخصي «Revenge of the Sith» فيلم رديء إجمالًا، والتحوُّل ما كانش مقنع للدرجة، لكن على الأقل على مر الفيلمين اللي قبله كان فيه شد وجذب بين جانبين النور والظلام من «الطاقة»، وفي النهاية رجحت كفَّة جانب الظلام وآناكين استسلم له.

وده العيب الأكبر في الحلقة، اللي كانت -باستثناء حاجات تانية قليلة- رائعة بكل المقاييس.

وأصل المشكلة هو نفسه اللي عانى منه المسلسل في آخر موسمين: الاستعجال الشديد، والاستعجال الشديد عمره ما بيؤدي لنتائج مُرضية أو مُقنعة. النَّط من نقطة في الحبكة للنقطة اللي بعدها بغض النظر عن منطقيَّة الرابط بين النقطتين من عدمها، وده بيخلِّي تعطيل عدم التصديق عند الواحد صعب. فيه فرق بين التمهيد لحاجة وإبراز الصراع الداخلي للشخصيَّة وبين إن الحاجة تحصل فجأة من غير تمهيد مقنع. اللي بيفهم سينما المفروض فاهم إن الإنذار (Foreshadowing) غير بناء الشخصيَّة (Character building).

في المشاهدة الأولى كرهت اللي حصل جدًّا لأني ما كنتش مصدَّق اللي بيحصل. مش قصدي إني مش مصدَّقه لأني مذهول، مش مصدَّقه لأني مش مقتنع، لأن مهما قالوا إن اللي دنيرس عملته جزء من شخصيَّتها ومنطقي أنا مش مصدَّق ولا مقتنع، لأن ما كانش فيه تمهيد كفاية للتحوُّل ده، وكل السوابق اللي بيستشهدوا بيها في ماضيها لا تدل على «الجنون». الجنون مش بيشتغل كده! ما فيش إنسان بيتحوِّل في أيام من مدافع عن الأبرياء لحارق للأبرياء! لو اتكلِّمنا بشكل علمي بحت عن حالة دنيرس، وأنا مش خبير في علم النفس لكن عندي وعي لا بأس بيه بمواضيعه بشكل عام (شكرًا للثانويَّة العامَّة و«Frasier»)، فأقصى ما يُمكن أن يقال عنها إن اللي بتعاني منه اسمه «غضب نرجسي». في الحالة دي ممكن أقتنع شويَّة، لأن دنيرس بدون شك شخصيَّة نرجسيَّة اتعرَّضت للاستهانة والنبذ وما إلى ذلك، لكن الشخصيَّة النرجسيَّة لما بتغضب مش بتصب غضبها على ناس ما تعرفهمش، إنما على اللي جرحوا كبرياءها وحسِّسوها بالدونيَّة.

اعتراضي الأكبر على الحلقة إن ما فيش أي حاجة في تاريخ دنيرس -اللي جزء كبير منه كان دموي- بتقول إنها قادرة على ارتكاب مذبحة جماعيَّة في ناس لا تعرفهم ولا يعرفوها. راجع كل تصرُّفاتها قبل كده وقل لي إيه فيها بيوحي بقدرتها على قتل عشرات الآلاف من الأبرباء. Dumb&Dumber بيستشهدوا -بس- برد فعلها البارد على قتل دروجو لأخوها... أخوها اللي كان بيضربها ويمتهنها، اللي قال لها عنده استعداد يسيب 40 ألف دوثراكي وخيولهم ينيكوها مقابل يوصل للي عايزه، اللي عاملها كشيء مملوك له، اللي حاول يسرقها، اللي حط طرف سيفه على بطنها وهي حامل! لو عايز تستشهد بميري ماز دور، فالمشعوذة خلِّت دروجو جثَّة حيَّة وقتلت ابنهم، ورغم إنه كان انتقام مستحق لميري فمن وجهة نظر دنيرس هي خيانة ليها. لو عايز تستشهد باللي عملته في أستاپور، فهي قضت على النخَّاسين اللي بيتاجروا بالأطفال، وأوامرها كانت صريحة: اقتلوا الأسياد والجنود فقط. لو عايز تستشهد باللي عملته مع الأسياد في ميرين، فده كان حرفيًّا العين بالعين: 136 من الأسياد مقابل 136 من الأطفال المصلوبين. لو عايز تستشهد بإعدام راندل وديكون تارلي، فافتكر إنها اشترطت عليهم الاستسلام أو الموت، وديكون تحديدًا اختار الموت مع أبوه. تفتكر لو كان ستانيس اللي عمل كده -ومليون في المية ستانيس يعمل كده- كنا هنقول عليه مجنون؟ مش بقول إن كان عندها حق في ده بالضرورة، لكن قرارها ما كانش مندفع أو متهوِّر.

ولو الفكرة إنها فقدت أتباعها المخلصين اللي كانوا بيكبحوا جماحها، فأنا مش فاكر إلا مشهد واحد چورا أقنعها فيه بالعدول عن قرار دموي (كان موجَّه ضد النخَّاسين برضه مش الأبرياء)، ومش فاكر ولا مشهد ميسانداي لعبت فيه أي دور من النوع ده. وهي مش لسا عندها تيريون؟ وجراي وورم؟ والأهم چون؟ أصلًا ليه شخصيَّة چون بقت مخصيَّة دراميًّا للدرجة دي؟ ما فيش مرَّة واحدة شوفناه بيراجعها في أي حاجة أو يحاول يقنعها بعكس اللي عايزة تعمله. چون أصبح شخصيَّة ممسوخة للغاية، مش بيقول إلا إنها ملكته وإنه بيحبَّها وإنه مش عايز العرش... وبس كده. وهل رفض چون إنه يستمر في علاقة محرَّمة معاها سبب كفاية إنها تختار الخوف؟ هل الرسالة إن الأنثى اللي حبيبها بيرفضها بتتجنِّن؟ أنا لا فيمنست ولا من محاربي العدالة الاجتماعيَّة ولا الكلام الفارغ اللي مغرَّق الإنترنت وفاشخ هوليوود بقاله كام سنة، لكن مش مقتنع!

أيوه، تصرُّفاتها أحيانًا بتجنح للقسوة، وأحيانًا كانت فيه بدائل ما أخذتش بيها، لكن كلها كان موجَّه ناحية أعداء مش أبرياء.

أمَّا لو كانوا فردوا مساحة كافية للتطوُّر الدرامي ده، لو كانوا خدوا وقتهم علشان يورُّونا انحدار دنيرس في هاوية الجنون بشكل مقنع -ودي حاجة بتاخد سنين مش أيام ولا أسابيع لمن لا يعلم- كان المشهد الأيقوني ده هيكون مقنع جدًّا ومبلوع جدًّا ومبرَّر جدًّا. مؤسف إن أفضل تمثيل لإميليا كلارك من بداية المسلسل جه في أسوأ لحظة لدنيرس. كان ممكن لو إدوا لنفسهم فرصة كتابة حبكة مقنعة نشوف دنيرس بترتكب جريمة واحدة حقيقيَّة على الأقل قبل كده تخلِّي الواحد يبلع شويَّة فكرة إنها «الملكة المجنونة» دلوقت.

ولمن لا يعلم، من أرخص الحيل الدراميَّة إنك ككاتب تخلِّي الشخصيَّة بتاعتك ترتكب جريمة ويكون تبريرك الوحيد إنها «مجنونة بنت مجانين». لو عايز ترتكز على تاريخ عائلة تارجاريَن فحتى الجنون عندهم ليه مبرِّرات ودوافع. إيرس ما اتقلبش الملك المجنون بين يوم وليلة، الانحدار أخد معاه سنين لحد ما وصل للي وصل له. اللي قرأ «وليمة للغِربان» عارف التفاصيل دي، واللي ما لهوش في القراءة عارف على الأقل من المسلسل إن إيرس لمَّا قرَّر يحرق كينجز لاندنج كان بناءً على الفكرة المجنونة إنه لو مات فهيتولد من جديد في صورة تنِّين (راجع مشهد چايمي وبِريان في حمَّامات هارنهال). لكن دنيرس اللي حرَّرت مئات الآلاف من العبيد وانتقمت لهم، اللي ما أعدمتش چورا اللي خانها، ولا تيريون ابن العائلة اللي دمَّرت عائلتها، اللي حبست تنانينها في مقبرة علشان واحد منهم قتل طفلة واحدة، اللي فضَّلت تقاتل الوايت ووكرز اللي بيهدِّدوا شعبها كله بالفناء على الاستيلاء على العرش، مش دي دنيرس اللي في الحلقة الخامسة، ما هياش التطوُّر الطبيعي للشخصيَّة دي... لأنها مكتوبة بشكل مستعجل ورديء.

تاني، أنا محبِّذ للفكرة جدًّا، لكن التنفيذ في غاية السوء.

بعد المشاهدة الثانية، وبعد ما ركنت الفكرة دي على جنب وقلت أخلِّيني في السياق الداخلي للحلقة بعيدًا عن السياق العام للقصَّة (وده أصلًا مش سليم بس جرَّبته)، لقيت الحلقة من أفضل ما خرج من المسلسل على الإطلاق. يمكن أفضل حلقة أخرجها ميجل ساپوتشنيك في رأيي، والسبب إني بعدها لقيت نفسي مش قادر على مشاهدة ثالثة، مش في وقت قريب على الأقل. على عكس الحلقة الرابعة، ما كنتش عايز أشوفها تاني بدافع الملل، لكن الحلقة دي مش عايز أشوفها تاني لأنها سبِّبت عندي نفس المشاعر بتاعت الزفاف الأحمر، إني مش عايز أتفرَّج على مذبحة مؤلمة. في رأيي دي نقطة قوَّة للحلقة.

يا ريتها بس كانت نقطة قوَّة مبنيَّة على قاعدة قويَّة.

وطبعًا إحنا كجمهور أصبحنا متعوِّدين جدًّا على مشاهد دمار المُدن في عشرات الأفلام، فكونهم ينجحوا في تقديم مشهد مشابه يا دوب الفرق فيه بينه وبين غيره إن بدل السفينة الفضائيَّة بتدمَّر البيت الأبيض فيه تنِّين بيدمَّر القلعة الحمراء... ده إنجاز، لأني كنت منغمس جدًّا ومتفاعل جدًّا رغم إني اتفرَّجت على حاجات شبيهة بالهبل وما عادش ليها أي تأثير عليَّ. كتَّر خيره رولاند إميريك لوحده دمَّر الكوكب كله في خمس أفلام تقريبًا بأشكال مختلفة، والموضوع أصبح ممل فشخ، فتحيَّة لساپوتشنيك على الإخراج الرائع.

ڤارس وتيريون

أقدر أقول إن نهايته كانت أفضل من نهاية ليتل فينجر، لكن مش بفرق كبير. ڤارس، العنكبوت، سيِّد الأسرار، بيتآمر بشكل مفتوح على ملكته في قلعتها وبيناقش تسميمها مع واحدة من طيوره الصغيرة في أوضة مفتوحة! شوية اتساق بس مع الشخصيَّة وكان الموضوع هيكون مبلوع أكثر والله. ثم إني مش فاهم دنيرس أعدمته على أي أساس. كل اللي اتقال على الشاشة معناه إن الخيانة مشتركة بينه وبين چون وتيريون وسانزا، وما فيش حاجة اتقالت أو حصلت أوحت بإن دنيرس عرفت إنه كان بيحاول يسمِّمها، أو حتى عرفت إنه أرسل رسائل للوردات البلاد عن حقيقة چون (اللوردات اللي فجأة أصبحوا مهمِّين تاني بعد تجاهل أهميتهم الضخمة في عالم زي ده لمدة موسمين على الأقل). من مشاكل الموسم ده إن حاجات كتير مهمَّة بتحصل off-screen وسايبين لنا الرابط بينها وبين اللي بيحصل على الشاشة رغم إنه رابط واهي، وكل ما تفكَّر فيه ممكن تلاقيه مش موجود أصلًا. بنفس منطق إعدام ڤارس فالمفروض كانت تعدم تيريون!

وإيه مبرِّر ڤارس إنه يخونها أصلًا؟ معلش، بشكل واقعي هي لحد المعركة ما عملتش أي حاجة تستدعي الخيانة، ومش مبرِّر نقول إنه عارف إنها هتهجم على المدينة، لأن الطبيعي إنها تهجم على المدينة! دي حرب! كام حرب بتتكسب بعدم الهجوم على العدو؟!

لكن رغم كده كان مشهد الوداع بينه وبين تيريون مؤثِّر.

وبالنسبة لتيريون فأنا متردِّد دلوقت بين وصفه بالغباء المبني على متطلبات الحبكة، وبين كونه في حالة إنكار، إنه رافض يصدَّق إن القائد اللي آمن بيه أخيرًا بعد كل اللي شافه يتَّضح إنه مش مختلف كتير عن غيره. ومع ذلك تصرُّفاته بتقول عكس كده.

چايمي وسرسي

مدركين إن سرسي فعليًّا ما عملتش أي حاجة الموسم ده؟ إنها ظهورها على مدار الموسم على الشاعة مجمله أقل من 30 دقيقة؟

مدركين إن بناء شخصيَّة سرسي ما يخلِّيهاش تستسلم أبدًا ولو الهزيمة مؤكَّدة فهي هتهدم المعبد على رؤوس الجميع؟ الشخصيَّة دي مش هتدمَّر المدينة عن آخرها وتسيبها لدنيرس رماد؟ فعلًا؟ دي مش خيبة أمل في نظريات أو توقُّعات طلعت مش سليمة، ده توقُّع منطقي كان عندنا كلنا تقريبًا بناءً على الشخصيَّة!

وچايمي... على أد ما حاسس بخيبة الأمل في اللي حصل معاه، لكن مقدرش أقول إنه مش سليم دراميًّا. هو ده الإدمان، واللي تخلَّى عن المخدِّرات تمامًا ممكن يرجع لها تاني لأي سبب، ومخدِّر چايمي هو سرسي. نهايتهم مع بعض كانت متوقَّعة تمامًا، وما عنديش اعتراض عليها. في المرحلة دي كان صعب تتصوَّر يبقى هدف چايمي إنه يقتل أخته الحامل في طفله. يا إمَّا كان هيحاول يقنعها بالاستسلام (واتَّضح إن ده مش هدفه)، يا إمَّا رايح يموت معاها (وده هدفه وجزء من شخصيته ممهَّد ليه من زمان).

اللي ما كانش ليه أي لازمة هو قتاله مع يورون، اللي بمعجزةٍ ما سبح لنفس النقطة اللي وصل لها وچايمي في نفس اللحظة. أولًا يورون شخصيَّة كارتون مالهاش أي عُمق، ثانيًا مزعج فشخ، ثالثًا مين مهتم بيه أصلًا؟ ورابعًا المونتاچ بتاع القتال كان زي الزفت، قطع قطع قطع قطع قطع بتاع 20 مرَّة، وفي الآخر تقريبًا كسر الحائط الرابع وكان ناقص يغمز للكاميرا. ترجيع!

وداع تيريون وچايمي أفضل مشاهد الحلقة على الإطلاق... لكن للأسف ما سابوناش نتهنَّى بيه إلا بعد ما دمَّروا جزء مهم من چايمي، وبأثر رجعي فشخوا واحد من أحلى مشاهد الموسم الثالث، لمَّا قال إنه عمره ما كان مهتم بأهل المدينة. الكلام مش محتاج شرح ولا تفصيل.

آريا وساندور

لسببٍ ما كنت متفاعل جدًّا مع مشاهد آريا في المدينة رغم درع الحبكة الثقيلة جدًّا اللي لابساها. فعلًا كمشاهدين ما كناش هنتفاعل مع مشاهد الدمار لو كانت من وجهة نظر شخصيَّة ما نعرفهاش، ده لو تغاضينا عن نجاتها المستحيلة مرَّة بعد مرَّة بعد مرَّة من مواقف مميتة (لأنها باتمان طبعًا وتدريبها وكل الكلام اللي النورميز بيردِّدوه ده. بس أنا مش فاكر في أي حلقة اتدرَّبت على إنها تكون منيعة ضد نار التنانين). الغريب إن الكلام اللي دار بينها وبين ساندور كان ممكن يتقال قبل ما يدخلوا المدينة أصلًا. بغض النظر عن إن جيش الشمال سبقها هي وساندور للمدينة رغم إنهم اتحرَّكوا قبله (!) كان ممكن المحادثة دي تدور بينهم في أي مكان. كونها دارت في القلعة المنهارة إداني رسالة إن الانتقام وحش بس لو هتموت بسببه، أمَّا لو هتفضل عايش فإشطة انتقم ودمَّر زي ما تحب! ودلوقت بس جاية آريا تتخلَّى عن الانتقام؟ بعد ما ارتكبت مقتلة جماعيَّة من ضمن اللي ارتكبته حتى لو كانت بتنتقم عن حق؟ معلش، مش شاري.

والكلام اللي قاله ساندور للجندي عن عدم ضرورة الحرب والحصار إلخ، مش ده كلام كان ممكن يتقال قبل كده ويغنيهم فعلًا عن المعركة؟

قتال ساندور وجريجور عمري ما كنت مهتم بيه أصلًا، لأن المفروض كانت قصة ساندور عن تخلِّيه عن الغضب والانتقام، خصوصًا من شخص ما عادش حي أصلًا. وبالمناسبة دي، ليه كايبرن ما عملش جيش كامل من الجبال؟ ده أقوى من ملك الليل!

وداعًا كايبرن، موتة كوميدية لكن كنت مخلص لملكتك للحظة الأخيرة. للأسف مش هنعرف رجَّعت جريجور للحياة إزاي، ولا كنت بتعمل إيه في هارنهال مع الشماليِّين وقت ما روب ستارك لقاك.

ملاحظات أخيرة:
- فجأة الأجراس أصبحت علامة على الاستسلام. أظن داڤوس كان بيخرَّف لمَّا قال إن الأجراس مش علامة على الاستسلام ليلة معركة بلاكووتر.
- يبدو إن رؤية دنيرس في بيت الخالدين اتحققت، واتحسمت مسألة إن اللي في قاعة العرش رماد مش ثلج. الغريب إن في سيناريو الحلقة الأخيرة من الموسم الثاني اللي اتنشر من كام سنة كان بيقول بوضوح إنه ثلج، فهل غيَّروا خططهم بعد كده؟ ولو غيَّروها يبقى فيه أسئلة كتير مطروحة هنا.

- مش هعلَّق على السهولة اللي دنيرس دمَّرت بيها الأسطول الألف سفينة (أو 100 سفينة حسب اللي ظهر على الشاشة)، ولا السهولة اللي دمَّرت بيها دفاعات المدينة. مش هعلَّق على الجزء الخاص بجيش صلاح الدين... أقصد الجماعة الذهبيَّة اللي هي المفروض تتويج لخيط الدين للمصرف الحديدي اللي بادئ من الموسم الأول. بتساءل بس هي استنِّت ليه السنين دي كلها في بناء جيوش بينما كان تنِّين واحد كفاية؟ طبعًا التنِّين قدراته واحتماله معتمدة بشكل بحت على اللي بتحتاجه الحبكة وبتتغيَّر حسبه.

- طبيعي طبعًا إن جراي وورم هو اللي يقتل هاري ستريكلاند. إحنا عارفين إنه بيحارب دايمًا وسط صفوف الدوثراكي، وعارفين العداوة بين الشخصيتين من الموسم الأول.

- قلت كذا مرَّة إنهم عملوا من آريا باتمان، والحلقة دي فكَّرتني جدًّا بمشهد بروس واين في دمار متبروپوليس في بداية «Batman v Superman»، فلمَّا يحطُّوا في الحلقة شخصيَّة اسمها مارثا... :D

- أفضل تنويع على التيمة الموسيقيَّة للشمال كان في مشهد الحلقة الأخير. بس الحقيقة إني مش فاهم إيه رمزية الحصان اللي ظهر فجأة، وهل كونه رمز للموت في سِفر رؤيا يوحنا:  فَرَأَيْتُ حِصَاناً لَوْنُهُ أَخْضَرُ «بَاهِتُ اللَّوْنِ»، اسْمُ رَاكِبِهِ «الْمَوْتُ» يَتْبَعُهُ حِصَانٌ آخَرُ اسْمُ رَاكِبِهِ «الْهَاوِيَةُ»، وَأُعْطِيَا سُلْطَةَ إِبَادَةِ رُبْعِ الأَرْضِ بِالسَّيْفِ وَالْجُوعِ وَالْوَبَاءِ وَوُحُوشِ الأَرْضِ الضَّارِيَةِ! لو آريا تخلَّت عن فكرة الانتقام وإنها رسول الموت، فإيه محل الرمز ده من الإعراب هنا؟ عن نفسي ما أظنش إنها اتخلِّت عنها بالكامل. مش هي اللي هتروح تقتل دنيرس دلوقت؟ دنيرس اللي بقدرة قادر بقت عينها لونها أخضر في الكام حلقة اللي فاتت؟

- أكثر مشهد مؤلم في الحلقة هو الفظائع اللي ارتكبها الشماليِّين، لكن ده منطقي تمامًا، وحتى المسلسل جاب قبل كده سيرة «شهوة الدم» اللي بتنتاب الجنود، تحديدًا اللي بيغزوا مدينة ما. حتى تصرُّف جراي وورم منطقي، لأن سبق وقال چورا إن المطهَّرين بيطيعوا الأوامر بشكل أعمى، فما داموا شافوا ملكتهم بتحرق وتقتل فدي إشارة ليهم إنهم يعملوا زيَّها. لكن أنا فعلًا اتنقلت من اللا مبالاة بجراي وورم لكراهيته، وتخميني إن چون هو اللي هيقتله. كان بينهم على مدى الحلقة نظرتين أو ثلاثة بيقولوا كده.

- فاضل حلقة واحدة ونخلص. للأسف الكتابة الزبالة نقلت الواحد من الحزن على نهاية المسلسل للرغبة في نهايته، ومش فاضل عند الواحد غير العودة للأساس الروائي الرائع اللي Dumb&Dumber ما اتعلِّموش منه إلا أقل القليل. حتى بعد ما تجاوزوا الكُتب اتَّضح إنهم مش فاهمين أكثر الشخصيَّات اللي بيكتبوها. الغلط موزَّع عليهم وعلى مارتن طبعًا.

- أقسم بالله أحلى ما بنطلع بيه من الحلقات هو الميمز.

- لكل اللي بيسألوا: «رقصة مع التنانين» هتصدر نهاية السنة زي كل سنة.

ملاحظات على الحلقة الرابعة من «Game of Thrones»

الموسم الأخير، الحلقة الرابعة، «The Last of the Starks»

لسببٍ ما كان فيه مشكلة في التليفزيون بتاعي ومش راضي يشغَّل الحلقة، فقرَّرت ومُصر يشغَّل بس فيلم من نوعية الهاي سكول دراما أو كام حلقة من مسلسل سيت كوم. كانت حاجات مسلِّية في مجملها في الحقيقة، لكن ما فيهاش تميُّز أو ذكاء خاص في النوعيَّة دي من الأعمال، لأنها اتقدِّمت مئات المرَّات قبل كده. يعني، واحد بينام مع واحدة مرَّة وبعدها يروح يفتن لواحد تاني، نفس اللي نام مع الواحدة دي مرَّة واحدة بقت حبيبة عمره وعايز يتجوّزها، واحد تاني عايز ينام مع واحدة تانية فعلشان يخلع هدومه بيتحجَّج بإن الجو حر، واحدة تحلف إنها تكتم سر وبعد 10 دقايق تحكي السر، واحد بيعيَّط علشان اللي بيحبَّها رفضته وبعد ثواني تظهر واحدة عايزة تنام معاه فيرجع سعيد. أشياء من هذا القبيل بتظهر في كل أعمال كوميديا الموقف ودراما المدارس الثانويَّة.

وبعدين أخدت بالي إن هي دي الحلقة.

وبعدين يبدو إن الحلقة اللي بعدها استرَّبت بدري، لأني لقيت الأحداث اتنقلت نقلة مفاجئة سريعة جدًّا.

خلِّيني واضح. الحلقة فيها مشاكل في الكتابة لكن فيها كتابة ممتازة. مشكلة الحلقة الأكبر هي الإيقاع، والعجلة الشديدة اللي واضحة في تقفيل القصَّة، اللي كان ممكن تتفرد على موسم 10 حلقات بالمستريح. حجَّة إن الإيقاع لازم يكون سريع علشان الوقت محدود مش حجَّة أصلًا لأن ده اختيارهم، واختيارهم خاطئ، وده مخلِّي الثمن منطقية تسلسل الأحداث، والتضحية بالسلامة الدرامية لخيوط كانت محتاجة تستوي على كذا حلقة زي أي خط درامي ناجح عرفناه في المسلسل، والثمن كمان استمتاعنا بالمشاهدة، وتركيزنا أكثر على الثغرات اللي تعدِّي جيش الموتى بأكمله من التركيز على الجيِّد.

لكن بداية الحلقة كانت ممتازة ومؤثِّرة جدًّا. الملاحظة اللي عندي إن منظر الجنازة مش بيدل أبدًا على إن فيه عشرات الآلاف من الموتى. المفروض إن فيه جيش الموتى بالكامل، زائد كل اللي سقطوا من البشر. اللي فهمته إنها جنازة للبشر فقط، لكن ده بيستدعي في دماغي تساؤلات عن اللي عملوه بجيش الموتى، وإزاي عرفوا يفرَّقوا بين الجثث دي والجثث اللي مش هياكل عظمية، وهل التنانين حرقت موتى ملك الليل، إلخ... مش حاجة مهمَّة لكن فكَّرت فيها.

اللي بحاول ما أفكَّرش فيه إن بعد الاجتياح اللي حصل في الحلقة اللي فاتت خسروا نُص أعدادهم بس. مش فاهم الدوثراكي نُصهم لسا عايش إزاي، وهل الكلام نفسه ينطبق على خيولهم، ومش فاهم نفس الكلام مع المطهَّرين أو الشماليِّين. الأعداد عامةً متضاربة من الموسم اللي فات. چون كان بيقول فيه 10 آلاف شمالي وسانزا بتقول 20 ألف، وجيش المطهَّرين اللي المفروض كان 8 آلاف مات منهم مئات في ميرين شكله تضاعف وهو واقف عند أسوار كينجز لاندنج. الدوثراكي يا 40 ألف يا 100 ألف، لكن أعدادهم اللي شوفناها في المعركة كانت أقل من كده مرارًا.

بعيدًا عن كتابة أفلام المراهقين، الحاجات الكويسة اللي طلعت بيها من مشاهد الاحتفال، إن كان لطيف نشوف الشخصيَّات دي بتضحك وتهزَّر وتحتفل بالحياة بعد نجاتها -غير المقنِعة- من موت أكيد. تورموند مسخرة. تيريون وچايمي في لحظة صفاء نادرة، كذلك بِريان. كلام داڤوس وتيريون عن مليساندرا وإله الضياء، وداڤوس كان دائمًا صوت المُشاهد العادي اللي بيطرح الأسئلة دي. كلام تيريون وبران اللي كنت أتمنَّى يطول عن كده، واللي بيخلِّيني أتساءل إيه لازمة بران كشخصيَّة في القصَّة دلوقت. دول حتى ما حاولوش يستفيدوا بقدراته في معرفة أي حاجة عن خطط سرسي أو تحصينات المدينة أو أعداد جيوشها.

مشهد سانزا وساندور عجبني... لحد ما قالت إن لولا اللي حصل لها كانت فضلت ضعيفة. أنا مدرك هم عايزين يقولوا إيه، إن المعاناة بتخلِّي الإنسان أقوى وما إلى ذلك، لكن النظرية صح والتطبيق غلط. كأن سانزا بتقول إن اغتصابها من رامزي خلَّاها أقوى، وده وقعه على الأذن مش مريح، وأظن فيه تبسيط هائل لحاجة بشعة زي الاغتصاب. مشكلتي مع سانزا إن مش معنى إنها أصبحت شكَّاكة لا تثق بأحد إنها قويَّة. الارتياب مش معناه القوَّة. هي سانزا جابت قوَّة منين أصلًا؟ كل حاجة وصلت لها كانت بمساعدة آخرين مش بإيدها هي. بايلش هو اللي قتل چوفري وأنقذها من كينجز لاندنج، ثيون هو اللي أنقذها من رامزي، چون وبايلش هم اللي قضوا على رامزي، بران هو اللي ساعدها في حل الأزمة مع آريا والخلاص من بايلش. الشخصيَّة دلوقت أفضل من زمان بكتير من غير شك، لكن سانزا مش قويَّة لأنها استحقت القوَّة لأنها انتزعتها بإيدها، سانزا ما عملتش أي حاجة بنفسها غير إنها تتلاعب بده وده. هي لاعب فاعل في لعبة العروش دلوقت، لكن مش لمجرَّد إنها كانت ضحيَّة قبل كده ضروري إني أشوفها شخصيَّة تستحق أوافق على أفعالها، بالذات بالاشتراك مع آريا في موضوع دنيرس. فعلًا السبب الوحيد اللي اتقال لعدم ثقتهم بيها إنها مش منهم، وده سبب سخيف! كل حاجة تانية عملتها دنيرس كانت في مصلحتهم، وباستثناء إنها بتتعامل بتعالي فهي أدِّت واجبها. وهل لو چون قعد على العرش الحديدي هتتنازل سانزا عن فكرة استقلال الشمال؟

ده طبعًا لا ينفي إن سانزا رأيها سليم في مسألة ضرورة استراحة الجيش قبل دخول معركة جديدة. تسرُّع داني هنا غير مبرَّر، خصوصًا إن هدفها هو العاصمة فقط، وباقي وستروس أكثره منقلب بالفعل على سرسي. ليه ما يكونش فيه تنسيق مع أمير دورن الجديد اللي أعلن مساندته؟ الدورنيين عندهم جيش قوي جدًّا وكانوا بعيد عن كل المعارك. بما إن كوينتن مارتل مش في المسلسل، فأظن إنه غالبًا حد من عائلة يرونوود، ثاني أقوى عائلة في دورن، لكن أظن ده مش مهم أصلًا لأن مستبعد دورن يرجع يكون لها دور في الأحداث دلوقت.

بالنسبة لمشهد شرعنة جندري، كذا حاجة. المشهد متقدِّم كأنه حركة صايعة من دنيرس، لكن خلينا نتساءل إيه قيمة ستورمز إند حاليًّا؟ ستورمز إند اللي هي لسا مش تحت سيطرتها أصلًا، يعني لقب جندري فارغ. أظن كل قوَّات ستورمز إند كانت مع ستانيس وشبه اتدمَّرت بالكامل، وحتى لو فاضل حامية رمزيَّة سابها ستانيس في القلعة (وليه تكون فيه حامية في ستورمز إند ودراجونستون لأ؟)، فهي مش قوَّة عظيمة على كل حال. وهل دنيرس مدركة إنها بالطريقة دي طرحت احتمال منافسة جندري على الأحقيَّة بالعرش باعتباره دلوقت ابن شرعي للملك اللي أخد العرش بحق الغزو؟ وكمان، جندري بيقول إن اسمه جندري ريڤرز. كقاعدة، النُّغول يا إما بياخدوا اسم المنطقة اللي اتولدوا فيها لو معترَف بيهم، يا بيكون ليهم اسم واحد بس. جندري قال قبل كده إنه مولود في فلي بوتوم في كينجز لاندنج، يعني المفروض يكون جندري ووترز، ولو روبرت كان اعترف بيه كان هيبقى ووترز. ريڤرز اسم النُّغول المولودين في أراضي النهر! فيه حاجة اسمها ويكيپيديا ممكن يراجعوا منها معلوماتهم على فكرة!

عجبني إن آريا مش ماليها الغرور بعد ما قتلت ملك الليل وإنها مش شايفة نفسها بطلة. الحقيقة فكَّرتني بكلام ثور عن ثانوس في «Infinity War»، إنه على جبروته مجرَّد عدو واحد مش الأول ولا الأخير. أتمنَّى نشوف مشهد واحد كمان على الأقل ليها مع ساندور على الطريق على سبيل الأيام الخوالي، وأتمنى يكون مشهد يضيف حاجة للقصَّة. مش هقول حاجة عن مواجهة ساندور وجريجور المنتظَرة لأني فعلًا مش مهتم، وشايفها تضييع كبير لفرصة تطوير شخصيَّة ساندور.

طبعًا كلنا متَّفقين على كراهيتنا للطريقة اللي ختموا بيها جوست في المسلسل. بيقولوا إن السبب الوقت الطويل اللي بياخده الشغل على المؤثِّرات الخاصة للذئب مع ممثِّل. أحب أقول لهم إن كان ممكن يستغنوا عن مشهد مالوش لازمة في الحلقة زي دنيرس وهي مع ريجال ودروجون وبتعمل حاجة شوفناها عشرات المرَّات (بتطير بالتنين! واو!)، ونفهم من الحوار إن ريجال مصاب ومحتاج وقت على ما يسترد قوته زي ما چون قال، في سبيل إننا نشوف لحظة ليها معنى، لحظة التخلِّي عنها استخفاف شديد بعلاقة چون وجوست، وبمشهد العثور على جراء الذئاب الرهيبة في الثلوج، اللي كان أول مشهد خطر لمارتن على الإطلاق ومنه طلع كووووول العالم ده. عيب، عيب جدًّا.

مش عارف إن كانت دي آخر مرَّة هنشوف سام ومش مهتم. لاحظ بس إن الشخص العبقري ده أخد حبيبته الحامل لنهاية العالم حرفيًّا، وغير كده ما أضافش أي حاجة للقصة غير إنه قال لإجون تارجاريَن حقيقته، حاجة كان ممكن بران يعملها. لكن مشهد الوداع بين چون وتورموند بيوحي لي إن چون في النهاية هيرجع يعيش في الشمال (الحقيقي) وراء الجِدار. كلام تورموند بيقول لي كده، ويمكن ده ما يكونش الوداع بين چون وجوست.

أمَّا مشهد موت ريجال فصدمني. السبب إني كنت بقول لنفسي باستهانة إن طبعًا المرَّة دي كمان دنيرس ما بعتتش قوَّة تسبقها لاستطلاع دراجونستون والاطمئنان لأمانها، زي ما أي حد عاقل المفروض يعمل، وهو اللي كان المفروض تعمله قبل رسوها في دراجونستون أول مرة، لكن لحسن حظَّها ما فيش كان حد كامن لها يقتلها، رغم إن سرسي كانت عارفة إنها هترسو في دراجونستون اللي على بعد مرمى حجر من كينجز لاندنج. المرَّة دي دنيرس اتعاملت بالغباء نفسه ونسيت أسطول يورون على حد تعبير الكُتَّاب بمنتهى الصفاقة. نسيت! أسطول يورون السحري مش بيتنقل لأي مكان عايزاه الحبكة على الخريطة وبس، لأ خفي كمان. سُفن تارجاريَن ترسو في بقعة المفروض تكون مواجهاه مباشرةً وما حدش شافه، ودنيرس في الجو والبحر مفتوح والقذائب بتيجي من مواجهتها مباشرةً وما شافتش يورون. علشان كده كان المشهد صادم أول مرَّة، وبعدها أصبح مشهد سخيف. بعيدًا عن الكلام اللي في الكُتب (إن تنِّين واحد في التاريخ كله قُتل في الجو بضربة واحد في المليون)، ليه التنانين ضعيفة كده في المسلسل؟ اللي هي السلاح المبني على إنه أكثر حاجة رهيبة في العالم؟ التنانين ضعيفة علشان المؤثِّرات بتاعتها مكلِّفة. الغريب إنهم أصابوا ريجال بـ3 قذائف متتالية لكن ما صوِّبوش على دروجون في الوقت نفسه رغم عدد السُّفن وقُرب المسافة بين ريجال ودروجون، ونجاة دروجون من القذائف اللي انضربت عليه بلح، وإن دنيرس ما دارتش حوالن السفن وحرقتها من الخلف بلح، وإن يورون ما سابش جنود على الشاطئ تصطاد الناجين من السفن بلح.

عن دنيرس مش هقول كلام كتير. إحنا دلوقت مجبَرين نقبل التحوُّل السريييييع لشخصيتها للجنون لأن الوقت قليل، مع إن ما فيش حاجة عملتها قبل كده تدل على الجنون. ارتكبت أفعال قاسية واتسرَّعت آه، لكن كل حاجة من دي ليها مبرِّر سليم. دلوقت فجأة عايزين نترجم غضبها الطبيعي في وضعها ده لجنون، ونتقبَّل إنها villain. الفكرة نفسها جذَّابة بالنسبة لي، فكرة إنك تكتشف إن الشخصيَّة اللي بتتبنى على مر السنين مش شخصيَّة بطل، لكن التنفيذ متعجِّل لدرجة إني مش مصدَّق ده ومش مقتنع بيه. ثم إن كل حاجة قالتها في الحلقة تقريبًا منطقيَّة! وليه بعد كل اللي حرقهم ستانيس وآخرهم بنته ما قلناش ستانيس ملك مجنون؟ هو كمان كان مؤمن جدًّا بحقُّه في العرش وده هدفه الوحيد وكان قاسي مع الأعداء! 

عن چون، لو ڤارس نجح في التخلُّص من دنيرس، هل هو عامل حسابه على الدوثراكي والمطهَّرين اللي ولاؤهم بالأساس لدنيرس؟ مش لأي وريث شرعي أو غير شرعي؟ هل عامل حسابه إنهم ممكن يقضوا على جيش الشماليِّين ببساطة؟

لكن الحقيقة الحوارين بين ڤارس وتيريون كانوا أفضل ما في الحلقة. أخيرًا حوار زي زمان، زي أيام الموسم الثاني، وحوار فيه روح كتابة مارتن.

عن چايمي. كذا احتمال قائم وكلامه يحتمل كذا تأويل، وشايف إن تسرُّع الناس تقول دلوقت إنهم دمَّروا الشخصيَّة. نصبر نشوف هيعمل إيه. اللي بسأله بس، هو يعني مش عارف أخته ومش عارف إنها مش هتستسلم؟ كان متوقِّع إن المسألة هتتحل بشكل سلمي فقرَّر البقاء في وينترفل؟ 

حاجات عشوائية:

- ليه يفترضوا إن ميسانداي ما غرقتش أثناء الهجوم؟ ده الافتراض الطبيعي في الوضع ده، إنما استنتاج إن يورون خطفها مش أول حاجة هترد في دماغ حد!

- سرسي تعرف منين إن ميسانداي مهمَّة للدرجة عند دنيرس؟ يمكن من شبكة معلومات كايبرن.

- لو يورون سأل سرسي تيريون عارف منين إنها حامل؟ ممكن تقول له عن طريق ڤارس عنكبوت المعلومات.

- كان بإمكان سرسي تخلَّص الحرب وتقتل تيريون ودنيرس والقوَّة الهزيلة اللي معاها لكن أظن اللي عايزين يقولوه إن غرورها واستهانتها هيكونوا السبب في سقوطها. هي مش عايزة تهزم دنيرس بس، هي عايزة تعلِّم عليها، تهينها، وعايزاها تشوف كل حاجة بتملكها بتتداعى. أو ده تخميني.

- مشهد برون حلو فشخ، لكن مش حاسس إن ليه أي لازمة. برون كشخصيَّة ما عادش ليه لازمة من الموسم اللي فات على الأقل.

- على أد ما كنت عايز أشوف رد فعل آريا وسانزا على حقيقة چون، فأنا متفهِّم إن حكاية القصَّة مرَّة ثالثة كان هيبقى ثقيل علينا كمشاهدين. تصرُّف سانزا وآريا في المشاهد التالية هو رد الفعل.
- مش هتكلِّم عن حمل سرسي وليه بطنها مش كبيرة لو كان ابن چايمي، لأن الزمن ما لهوش أي قيمة في شهور الحمل والولادة في المسلسل. لاحظ إن ابن جيلي المولود في الموسم الثالث لسا عيِّل بيتشال.

- حتى لو نهاية المسلسل هي نهاية الكُتب (وده بدأت أشك فيه بشدَّة بناءً على كلام Dumb & Dumber)، فنظريًّا الحاجات اللي بيقدِّمها المسلسل أفكار جذَّابة كأفكار. المشكلة في تنفيذها المتسرِّع الرديء، ودي حاجة ما فيش شك إن مارتن هيقدِّمها بعشرات أضعاف البراعة... المهم يقدِّمها بس.

- والله حتى لو كانت إزازة كوكا كولا 2 لتر وكيس شيبسي حجم عائلي بدل ستاربكس، ما كنت ههتم لو كانوا هم اهتمُّوا بالكتابة.